“Әл-Қаида” ұйымы АҚШ-қа қарсы жаңа лаңкестік шабуылдар жоспарлап отыр

ВАШИНГТОН: Бүгін лаңкестік “Әл-Қаида” ұйымы қолбасшысының орынбасары Айман Әз-Зауахри мұсылмандарды АҚШ-қа қарсы күресін күшейтуге шақырып, Америкаға қарсы жаңа лаңкестік шабуылдардың іске асырылатынын ескертті. Бұл сөздерін Әз-Зауахри 2001-інші жылдың 11-інші қыркүйегінде Нью-Йорк пен Вашингтонға жасалған шабуылдарға 5 жыл толған күні Американың Си-Эн-Эн телеарнасынан көрсетілген бейнесюжетте айтады. “Әл-Қаида”-ның мәлімдемесіне сәйкес, екінші бейнесюжетте өткен 5 жылдағы оның лидері Усама бин Ладиннің өзі көрсетіледі.