Мәскеу полициясы Грузияға қолдау танытқан белсенділерді қамады

Мәскеу полициясы кеше Грузияға қолдау танытқан оннан аса жас белсендіні қамады. Олар Грузия елшілігінің алдында Грузияны жақтап митинг өткізген. Либералды активистердің митингісі рұқсатсыз өтті. Жас белсенділердің митингісі дәл сол сәтте елшілік алдында Грузияға қарсы өтіп жатқан, рұқсаты бар митингке балама болған. Ресей мен Грузия қарым-қатынасы 27 қыркүйектен бері қиындап тұр. Екі ел арасында тыңшылық дауы болған соң Ресей үкіметі Грузияны қысымға алды.