Түркіменстан президенті Ресей сыртқы істер министрінің өкілімен кездесті

Түркіменстан президенті Сапармұрат Ниязов Ашхабатта бұрынғы Мәскеушіл Шешен лидері Доку Завгаевпен келіссөз өткізді. Завгаев қазір Ресей сыртқы істер министрлігінің бас директоры. Түркіменстан мен Ресей ақпарат құралдарының хабарлауынша, бейсенбі күні болған кездесуде екі жақты мәселелер, атап айтқанда, энергетика саласындағы ынтымақтастық және Ашхабатта жаңа Ресей елшілігін құру жоспары талқыланған.