Ресей билігі 12 өзбек босқынын азат етті

Ресей билік орындары осыдан шамамен 20 ай бұрын ұсталған 12 өзбек босқынын абақтыдан азат етті. “Азаттық” радиосы Өзбек қызметінің хабарлауынша, жұма күні жергілікті сот әлгі өзбектерді босату жөніндегі шешім шығарған. Адам хұқын қорғаушылардың айтуынша, БҰҰ-ның босқындар жөніндегі агенттігі 12 өзбекті үшінші елге көшіруді жоспарлаған. Өзбекстан билігі бұл 12 азаматты Әндіжан оқиғаларына қатысы бар деп айыптап, олардың экстрадициялануын сұраған болатын.