Иран ішкі істер министрі ядролық келіссөздер жүргізуге Қытайға барды

Мұстафа Пур Мұхаммади Қытай ресмилерімен Иранның ядролық бағдарламасының дамуы және БҰҰ-ның Иранға қарсы санкциялары төңірегінде әңгімелесетін болады. Иран ішкі істер министрі журналистер алдында сөйлеген сөзінде Иран өзінің ядролық бағдарламасын заңды жағдайда жалғастырып, халықаралық талаптарға сай жүргізетін болады деді. Қытай Қауіпсіздік кеңесінің тұрақты мүшесі ретінде Иранды БҰҰ-мен ынтымақтастық жағдайында жұмыс істеуге шақырған еді.