Сенат депутаттарының сайлауы 4 қазанға белгіленді

Қазақстандағы сайлау заңы бойынша сенат депутатын сайлау тәртібінің толық кезеңі күнтізбелік 73 күнде аяқталады. Бұл туралы бүгін Орталық сайлау комиссиясының төрағасы Қуандық Тұрғанқұлов мәлімдеді. Оның айтуынша, "Қазақстан Конституциясына сәйкес, сенат конституциялық заңда белгіленген тәртіппен әр облыстан, республикалық маңызы бар қаладан және Қазақстан Республикасының астанасынан екі адамнан өкілдік ететін депутаттардан құралады. Және сенаттың он бес депутатын Республика президенті тағайындайды. Үміткерлердің атын ұсыну 2 тамыз бен 3 қыркүйек аралығында, үміткерлерді тіркеу 13 қыркүйекке дейін, сайлау алдындағы үгіт-насихат 14 қыркүйек пен 2 қазан аралығында жүргізіледі.