АҚШ-та радикалды исламшыл топтың басшысы өлтірілді

АҚШ-тың Детройт қаласындағы билік орындары сунниттердің радикалды исламшыл тобының жетекшісін атып өлтіргендерін хабарлады.

Лукмун Амин Абдулла федералды агенттермен арада орын алған атыстан қаза болған. АҚШ прокуратурасының айтуынша, сәрсенбі күні Детройт жанындағы Дирборн қаласында Абдулла билік орындарына берілуден бас тартқан соң оған оқ атылған.

Радикалды топтың имамы Абдулла АҚШ ішінде ислам мемлекетін құруды көздеген дейді билік орындары.