Марат Тәжин: Қауіпсіздік кеңесінде жаңа бөлімдер ашылады

Қазақстан президенті Нұрсұлтан Назарбаевтың тапсырмасымен Қауіпсіздік кеңесінде жаңа ақпараттық және сараптамалық бөлімдер құрылады деп хабарлады кеңестің хатшысы Марат Тәжин.

Тәжиннің айтуынша, президенттің тапсырмасы Қауіпсіздік кеңесінің қызметін жетілдіру және нығайтумен байланысты болып отыр. Сондай-ақ, хатшы кеңестің мекемеаралық комиссиясының қызметі басқаша құрылатындығын атап көрсетті.

Сейсенбі күні президент Назарбаев Қауіпсіздік кеңесінің жұмысын сынға алған болатын.