Сирия күштері көтерілісшілер қолындағы қаланы қайтарып алды

Сирияның ресми ақпарат агенттігі хабарлағандай, сириялық күштер оппозициялық топтың бақылауында болған Растан қаласын қайтарып алды.

Сирия орталығындағы бұл қаланы қыркүйектің 27-не дейін армиядан қашқан әскерлер мен басқа да көтерілісшіл топтар бақылауында ұстап келген.

Растан қаласы елде алты айға созылған президент Башар әл-Асадқа қарсы шерулер алаңы да болды. Адам құқын қорғаушы топтардың айтуынша, Сириядағы шерулерде 2 мыңдай адам қаза тапты.