Құқық қорғаушылардың дерегі бойынша, радикалды "Ислам мемлекеті" ұйымының содырлары мамыр айында ұрлаған 150 күрд оқушысының соңғы 25-ін босатқан.
Сириядағы соғысқа мониторинг жасап отыратын Syrian Observatory for Human Rights ұйымының мәлімдеуінше, кепілге алынған оқушылар Минбиж қаласында босатылған. Содырлар 13-14 жастағы балаларды Кобани қаласында, Алепподан емтиханнан қайтып келе жатқанда ұрлап әкеткен.
Әуелде жеті оқушы кепілден қашып ктекен. Қалғандары топ-тобымен және біртіндеп босатыла бастаған. Кобанидің өзінде содырлар қаланы басып алу үшін күрд жасақтарымен ұрыс жүргізіп жатыр.
