Қытайдың орталық бөлігіндегі Сычуань провинциясында сенбі күні нөсер жауын салдарынан түскен көшкін салдарынан 140-тан астам адам опат болған. Қырықтан аса үйді топырақ басып қалған. Апат болған жерден үш адам – ерлі-зайыпты жас жұбайлар мен олардың нәрестесі құтқарылғаны туралы хабарланды.
Көшкін жүрген Синьмо ауылында студенттер жазғы каникулға келгендіктен адам саны әдеттегіден көп болған.
Қытайдағы бұл елдімекенде негізінен тибеттіктерге туыс цян ұлысының өкілдері тұрады.
